Кніга «Крылатая радасць зямлі» — гэта падарожжа ў цудоўны і непаўторны свет беларускіх птушак. Свае непасрэдныя назіранні, што вяліся ў палявых і лясных умовах, апісвае біёлаг Сяргей Зуёнак. Дапаўняюць расповед аўтарскія фотаздымкі птушак з розных куткоў краіны — ад блізкага двара і наваколля да самых патаемных лясных гушчароў.
Дадатковымі штрыхамі насычаюць змест вершаваныя радкі паэта, лаўрэата Дзяржаўнай прэміі Беларусі імя Янкі Купалы Васіля Зуёнка.
Кніга зацікавіць і юных аматараў прыроды, і дарослых, а найперш — вучняў і настаўнікаў.
