Выдавецтва “Адукацыя і выхаванне” віншуе вас з Днём настаўніка!
Шаноўныя педагогі, дарагія сябры!
Выдавецтва “Адукацыя і выхаванне” віншуе вас з Днём настаўніка! Настаўніцкая праца высакародная і адказная. Школьныя ўрокі – гэта не проста навучанне, а ключ да жыццёвай мудрасці. Вы не толькі даеце веды і дапамагаеце дзецям спазнаць навакольны свет, але і выхоўваеце – вучыце любіць родную зямлю, цаніць духоўныя каштоўнасці беларускага народа, ганарыцца нашай Радзімай.
Мы цэнім ваша імкненне рабіць свет лепшым і спадзяемся, што нашы кніжныя выданні і навукова-метадычныя часопісы, асабліва серыі “У дапамогу педагогу”, сталі надзейнымі дарадцамі ў вашай чэснай справе – адукацыі і выхаванні юных грамадзян нашай Бацькаўшчыны.
Шчыра жадаем плёну і натхнення ў вашай нястомнай працы, новых педагагічных знаходак, радасці ад здзейсненага і настаўніцкага даўгалецця, цёплых слоў удзячнасці ад вучняў і іх бацькоў.
З павагай,
Дырэктар выдавецтва
Валянцін Янавіч Навагродскі
ул. Буденного, 21
