| |
|
|
"У дапамогу
педагогу" — серыя навукова-метадычных часопісаў для настаўнікаў-прадметнікаў,
выхавацеляў, кіраўнікоў устаноў адукацыі. Выходзіць у выдавецтве "Адукацыя
і выхаванне" са снежня 1995 г. У серыю ўваходзяць 22 часопісы, якія
выдаюцца на беларускай і рускай мовах. З усёй серыі вылучаецца часопіс "Замежныя
мовы ў Рэспубліцы Беларусь", у якім артыкулы друкуюцца яшчэ і на англійскай,
нямецкай, іспанскай, французскай, італьянскай, польскай, шведскай, нідэрландскай,
арабскай, турэцкай, кітайскай, японскай і іншых мовах.
Па перыядычнасці выхаду серыя падзяляецца на часопісы, якія выходзяць
1 раз у 2 месяцы, як, напрыклад, "Пазашкольнае
выхаванне", "Сацыяльна-педагагічная работа", "Русский
язык и литература", "Пачатковае навучанне: сям'я, дзіцячы сад,
школа", "Хімія: праблемы выкладання", і штоквартальна,
напрыклад "Псіхалогія", "Праблемы
выхавання", "Кіраванне ў адукацыі", "Геаграфія: праблемы
выкладання", "Тэхналагічная адукацыя", "Беларуская
мова і літаратура", "Чалавек. Грамадства. Свет"
і інш. Кожны месяц выдаецца часопіс "Здаровы
лад жыцця".
Серыя распаўсюджваецца па падпісцы. Заклікана аказваць навуковую і метадычную
дапамогу педагогам у навучанні і выхаванні вучняў школ, сярэдніх спецыяльных
і вышэйшых навучальных устаноў рэспублікі. У прыватнасці, на старонках
часопісаў асвятляюцца праблемы, якія вырашае Міністэрства адукацыі Рэспублікі
Беларусь, друкуюцца матэрыялы па пытаннях нестандартных падыходаў у навучанні,
выхаванні, укаранення новых педагагічных тэхналогій, псіхалогіі педагагічнага
ўзаемадзеяння, а таксама распрацоўкі ўрокаў і інш.
Выдавецтва выдае таксама наступныя часопісы:
"Беларускi гiстарычны часопiс" —
навукова-тэарэтычны, навукова-метадычны часопiс (выдаецца 12 разоў у год).
Вестник Фонда фундаментальных исследований
"Нелінейныя з'явы ў складаных сістэмах"
— часопіс на англійскай мове.
Шахматы
ПРАДУКЦЫЯ ВЫДАВЕЦТВА РАСПАЎСЮДЖВАЕЦЦА ПА ПАДПІСЦЫ І ПРАЗ РОЗНІЧНЫ ГАНДАЛЬ.
|
|
|
|
