У люстэрку “Роднага слова”

13 мар 2026

Інстытут мовазнаўства імя Якуба Коласа Цэнтра даследаванняў беларускай культуры, мовы і літаратуры НАН Беларусі запрашае на творчую сустрэчу з галоўным рэдактарам навуковага і метадычнага часопіса “Роднае слова” Наталляй Шапран.

23 сакавіка
12.00
вул. Сурганава, 1/2, аўд. 302

Часопіс “Роднае слова” не мае асаблівай патрэбы ў прадстаўленні. Гэта найстарэйшае беларускамоўнае выданне, якое штомесяц прэзентуе самыя актуальныя навуковыя даследаванні ў галіне філалогіі, мастацтвазнаўства, культуралогіі і педагогікі. Амаль чатыры дзесяцігоддзі яно аб'ядноўвае пакаленні знаўцаў і аматараў беларускай культуры, мовы і літаратуры.

Сёння “Роднае слова” вылучаецца адметным стылем, у якім спалучаюцца акадэмічныя традыцыі і сучасныя формы ўзаемадзеяння з чытачамі і аўтарамі.

На сустрэчы вы даведаецеся:

што дапытлівы чытач можа ўбачыць у “люстэрку” “Роднага слова”;
чым выданне адрозніваецца ад іншых навуковых СМІ;
чаму ў анонсах часопіса часта гучаць словы “эксклюзіў” ды “сенсацыя”;
чаму штогод сакавіцкі нумар здзіўляе асаблівай натхнёнасцю;
як у будзённасці жыцця разгадаць “код прыгажосці”.

У межах сустрэчы адбудзецца прэзентацыя супольнага асветніцкага праекта “Роднага слова” і Цэнтра даследаванняў беларускай культуры, мовы і літаратуры НАН Беларусі “Пакуль ты ёсць – працяг наш будзе віцца”, прымеркаванага да Года беларускай жанчыны.

Запрашаем усіх, хто цікавіцца беларускай культурай, мовай і літаратурай!